Codi pryderon
Mae camgymeriadau wrth bresgripsiynu a rhoi meddyginiaeth yn digwydd yn gyffredin,23 ond fel arfer osgoir niwed drwy i gydweithwyr ymyrryd cyn y gall y camgymeriadau effeithio ar gleifion.
I gael rhagor o wybodaeth am ragnodi ar gyfer rhannu gofal gweler yr adnoddau a gyhoeddwyd gan NHS England, Canolfan Gwybodaeth am Feddyginiaethau Cymru, byrddau iechyd GIG yr Alban ac Iechyd a Gofal Cymdeithasol yng Ngogledd Iwerddon.
Rhaid i chi ddiogelu cleifion rhag risg o niwed a achosir gan gamgymeriadau cydweithwyr o ran presgripsiynu a gweinyddu a chamgymeriadau eraill ganddynt yn ymwneud â meddyginiaethau, triniaeth neu ddyfeisiau. Dylech gwestiynu unrhyw benderfyniad neu weithred a allai fod yn anniogel yn eich barn chi.24 Dylech hefyd ymateb yn adeiladol i bryderon a godir gan gydweithwyr, cleifion a gofalwyr am eich ymarfer chi eich hun.
Gweler astudiaeth EQUIP (Errors – Questioning Undergraduate Impact on Prescribing) ynghylch dirprwyo cyfrifoldeb yn amhriodol dros ysgrifennu crynodebau rhyddhau i staff iau heb hyfforddiant digonol mewn ffarmacoleg na gwybodaeth ddigonol am gleifion
Dylech roi’r flaenoriaeth gyntaf i ddiogelwch cleifion a chodi pryderon os nad oes gan y gwasanaeth neu’r system yr ydych yn gweithio ynddi fesurau diogelu digonol, sy’n berthnasol i natur a dull yr ymgynghoriad. Mae hyn yn cynnwys gwiriadau adnabod a dilysu priodol.25 Ni ddylech gynnig, darparu na phresgripsiynu meddyginiaethau, triniaeth na dyfeisiau oni bai ei bod yn ddiogel gwneud hynny.
Mae NHS Digital wedi cyhoeddi ‘Identity Verification and Authentication Standard for Health and Care Digital, Data, Analytics and Technology Use’ (2025). Ar gyfer darparwyr gofal sylfaenol, gweler y canllawiau a gyhoeddwyd gan Dîm Gofal Sylfaenol Digidol yn Gyntaf NHS England ac NHS Improvement. I gael arweiniad ar ddarparu gwasanaethau iechyd rhywiol yn ddiogel ac yn briodol ar-lein ac o bell, cyfeiriwch at Safonau’r Gyfadran Iechyd Rhywiol Atgenhedlu (FRSH) a Chymdeithas Prydain ar gyfer Iechyd Rhywiol a HIV (BASHH) Standards for Online and Remote Providers of Sexual and Reproductive Health Services.
