Beth rydym ni’n ei wneud a pham

Rydym yn gweithio gyda meddygon, cymdeithion meddygol (PA), cymdeithion anesthesia (AA), y rhai y maent yn gofalu amdanynt a rhanddeiliaid eraill i gefnogi gofal da a diogel i gleifion ledled y DU. Yma gallwch ddysgu am yr hyn rydym ni'n ei wneud, darganfod am y gweithdai rydym ni'n eu cynnig a chael mynediad at ein data a'n hymchwil.

Read this in English

Ein diben statudol

Mae'r gwaith rydym ni'n ei wneud wedi'i osod allan gan y Medical Act 1983 a'r Anaesthesia Associates and Physician Associates Order (AAPAO).

Back
Ein cofrestrau

Rydym yn rheoli rhestrau o weithwyr proffesiynol cofrestredig

Rydym yn gwneud yn siŵr bod gan bob meddyg, cydymaith meddygol a chydymaith anesthesia yr wybodaeth, y sgiliau, y cymwysterau a’r profiad cywir i weithio ledled y DU. Rydym yn gwneud hyn drwy gynnal rhestrau swyddogol o’r gweithwyr proffesiynol cofrestredig hyn, sydd ar gael ar-lein.

Pan fydd meddyg, PA neu AA yn gwneud cais i gofrestru, rydym yn gwirio eu bod yn bodloni ein gofynion i weithio yn y DU ac yn darparu gofal da a diogel i gleifion.

Er mwyn aros ar ein cofrestrau, rhaid i feddygon, PAs ac AAs barhau i fodloni'r safonau proffesiynol a osodwn, dangos eu bod yn gymwys a dangos eu bod yn cadw eu gwybodaeth a'u sgiliau'n gyfredol.

Sut rydym yn rheoli ein cofrestrau

Safonau proffesiynol

Gosod a chynnal y safonau proffesiynol ar gyfer meddygon, cymdeithion meddygol (PA) a chymdeithion anesthesia (AA)

Rydym yn gosod y gwerthoedd, yr wybodaeth, y sgiliau a’r ymddygiad a ddisgwylir gan bob meddyg, cydymaith meddygol a chydymaith anesthesia sy’n gweithio yn y DU. Rydym yn gwneud hyn ar ôl ymgynghori â nhw, yn ogystal â chleifion a rhanddeiliaid eraill.

Rydym yn cefnogi myfyrwyr, meddygon, cymdeithion meddygol, cymdeithion anesthesia a’u cyflogwyr i ddeall a bodloni’r safonau proffesiynol rydym yn eu gosod. Rydym yn rhoi arweiniad a chyngor ar bynciau fel cyfrinachedd, proffesiynoldeb a gwneud penderfyniadau.

Ac rydym yn disgwyl i bob meddyg, cydymaith meddygol a chydymaith anesthesia barhau i fodloni’r safonau proffesiynol hyn, drwy fyfyrio’n rheolaidd ar eu hymarfer a chynnal arfarniadau rheolaidd gyda’u cyflogwyr, i gydnabod eu cryfderau a nodi meysydd i’w datblygu.

Ein harweiniad a'r cymorth rydym ni'n ei ddarparu

Addysg a Hyfforddiant

Goruchwylio meddygon’, meddygon cysylltiol (PAs)’ ac addysg a hyfforddiant chymdeithion anesthesia (AAs)’

Rydym yn gweithio i sicrhau bod canlyniadau addysg a hyfforddiant yn paratoi meddygon, PAs ac AAs i ddarparu gofal da a diogel i gleifion ledled y DU.

Rydym yn cymeradwyo eu hyfforddiant israddedig ac/neu ôl-raddedig, yn ogystal â’r asesiadau y mae'n rhaid iddynt eu pasio.

Rydym yn gwneud hyn drwy asesu pob cwrs a rhaglen, a drwy gynnal adolygiadau a monitro rheolaidd. Rydym hefyd yn siarad â myfyrwyr, unigolion dan hyfforddiant ac addysgwyr i glywed am eu profiadau nhw. 

Ein rôl mewn addysg a hyfforddiant

Ailddilysu 

Cefnogi meddygon, cymdeithion meddygol a chymdeithion anesthesia i fyfyrio ar eu gwaith a’i wella

Mae'n bwysig bod pob meddyg, cydymaith meddygol a chydymaith anesthesia sy'n ymarfer yn y DU yn dilyn y safonau proffesiynol a osodwyd gennym, a bod ganddynt yr wybodaeth a’r sgiliau diweddaraf.

Rydym yn disgwyl i bob meddyg, cydymaith meddygol a chydymaith anaesthesia sy’n gweithio yn y DU gasglu adborth gan eu cleifion a manylion unrhyw ddigwyddiadau arwyddocaol y maent wedi bod yn rhan ohonynt. Disgwylir iddynt hefyd adolygu gwybodaeth a ddarperir gan eu cyflogwr. Mae’r wybodaeth hon wedyn yn cael ei thrafod mewn arfarniadau rheolaidd, lle mae meddygon, cymdeithion meddygol a chymdeithion anesthesia yn myfyrio ar eu hymarfer, gan gydnabod eu llwyddiannau a nodi meysydd i’w datblygu. Mae’r wybodaeth hon yn ein helpu i benderfynu a yw meddyg, cydymaith meddygol neu gydymaith anesthesia yn parhau i fodloni’r safonau a osodwyd gennym dros amser. Rydym yn galw’r broses hon yn ‘ailddilysu’.

Mae myfyrio a datblygu’n broffesiynol drwy ailddilysu yn cefnogi diogelwch cleifion. Mae hefyd yn helpu i nodi gwelliannau i ofal cleifion y gellir eu rhoi ar waith yn y sefydliadau lle mae meddygon, cymdeithion meddygol a chymdeithion anesthesia yn gweithio. 

Sut rydym ni'n helpu i godi safonau trwy ailddilysu

Ymdrin â Phryderon

Ymchwilio a gweithredu ar bryderon am feddygon, cymdeithion meddygol (PA) a chymdeithion anesthesia (AA)

Os mynegir pryderon difrifol i ni am ymddygiad, iechyd neu berfformiad meddyg, cydymaith meddygol neu gydymaith anesthesia, gallwn ymchwilio i ganfod a yw diogelwch cleifion, neu hyder y cyhoedd yn yr unigolion hyn mewn perygl.

O ganlyniad i'n hymchwiliadau, mae’n bosibl y byddwn yn atgyfeirio achos at y Gwasanaeth Tribiwnlys Ymarferwyr Meddygol (MPTS) am wrandawiad.

Mae'r tribiwnlysoedd sy’n cael eu cynnal gan yr MPTS yn gwneud penderfyniadau annibynnol am yr achosion rydym yn eu hatgyfeirio. Gallant atal meddyg, cydymaith meddygol neu gydymaith anesthesia rhag cyflawni ei ddyletswyddau, neu gyfyngu ar y dyletswyddau hynny. Mewn achosion difrifol iawn, gall y tribiwnlysoedd dynnu unigolyn oddi ar y cofrestrau, sy’n golygu na allent weithio yn y DU mwyach. 

Sut rydym ni'n ymchwilio ac ymyrryd ar bryderon

Ein Rôl

Gallwch ddysgu mwy am y gwahanol ddarnau o ddeddfwriaeth sy'n pennu ac yn llywio'r gwaith a wnawn yn ein mandad.

Ein Rôl


Rheoleiddio cydymaith meddygon ac anaesthetyddion

Mae rheoleiddio’n helpu i roi sicrwydd i gleifion, cyflogwyr a chydweithwyr bod cydymaith meddygon (PAs) a chydymaith anaesthetyddion (AAs) yn meddu ar y lefel gywir o addysg a hyfforddiant, eu bod yn bodloni’r safonau rydym yn eu disgwyl gan y proffesiynau a reoleiddir gennym, ac y gellir eu dwyn i gyfrif os codir pryderon difrifol.

Rheoleiddio cydymaith meddygon ac anaesthetyddion


Cefnogi gofal mamolaeth da a diogel

Dylai pob teulu gael gofal mamolaeth diogel a thosturiol. Ond rydym ni’n gwybod nad yw hynny wedi digwydd bob amser. Mae rhai teuluoedd wedi cael profiadau anodd iawn sydd wedi newid eu bywydau.

Cefnogi gofal mamolaeth da a diogel

Hyfforddwr yn cyflwyno sesiwn ddysgu

Dysgu a Chymorth

Dysgwch am y gwahanol weithdai a chyfleoedd dysgu eraill a gynigiwn i'ch helpu i ddeall ein safonau proffesiynol a'u cymhwyso i'ch ymarfer dyddiol.

Ein Cyfleoedd Dysgu (Saesneg yn unig)

Dolenni Cyflym:

Person sy'n defnyddio dyfais symudol i edrych ar ddata

Data a Ymchwil

Rydym ni'n rhannu gwybodaeth i wella gofal cleifion a chynorthwyo cynllunio'r gweithlu. Edrychwch ar yr ymchwil sy'n llywio ein polisïau a'n penderfyniadau. A defnyddiwch ein data i ddeall y proffesiwn meddygol yn well.

Data a Ymchwil yn y GMC (Saesneg yn unig)

Dolenni Cyflym:



Gwasanaethau Rhyngwladol GMC

Rydym yn darparu gwasanaethau cynghori i reoleiddwyr a sefydliadau eraill ledled y byd. Gweld sut y gall helpu eich sefydliad i gyflawni eich canlyniadau a chanlyniadau rheoleiddio gofal iechyd.

Gwasanaethau cynghori ar gyfer reoleiddwyr a sefydliadau (Saesneg yn unig)