Ein mandad

Rydym yn gweithio gyda meddygon, cymdeithion meddygol, cymdeithion anesthesia, cleifion, a rhanddeiliaid eraill i gefnogi gofal da a diogel i gleifion ledled y DU. Dyma beth rydym yn ei wneud fel rhan o’n rôl:

• gosod y safonau gofal cleifion a’r ymddygiadau proffesiynol y mae angen i gymdeithion meddygol a chymdeithion anesthesia eu cyflawni.
• sicrhau bod meddygon, cymdeithion meddygol a chymdeithion anesthesia yn cael yr addysg a’r hyfforddiant sydd eu hangen arnynt i ddarparu gofal da a diogel i gleifion
• cadarnhau pwy sy'n gymwys i weithio fel meddyg, cydymaith meddygol neu gydymaith anesthesia yn y DU, a sicrhau eu bod yn parhau drwy gydol eu gyrfaoedd i fodloni'r safonau proffesiynol a osodwyd gennym
• rhoi arweiniad a chyngor i helpu meddygon, cymdeithion meddygol a chymdeithion anesthesia i ddeall yr hyn sy’n ddisgwyliedig ganddynt
• ymchwilio pan fo pryderon fod diogelwch cleifion mewn perygl, neu os yw hyder y cyhoedd mewn meddygon, cymdeithion meddygol neu gymdeithion anesthesia mewn perygl, a chymryd camau os oes angen.

Deddfwriaeth berthnasol

Mae ein mandad wedi’i nodi yn Neddf Meddygaeth 1983 (y Ddeddf) a Gorchymyn Cymdeithion Anesthesia a Chymdeithion Anesthesia 2024 (y Gorchymyn).

Gyda’i gilydd, mae’r Ddeddf a’r Gorchymyn yn ymdrin â’r canlynol:

• ein diben statudol
• llywodraethu’r GMC (gan gynnwys sut mae ein haelodau’n cael eu penodi)
• ein cyfrifoldebau mewn perthynas ag addysg, cofrestru ac ailddilysu meddygon, cymdeithion meddygol a chymdeithion anesthesia; ar gyfer gweithredu prosesau addasrwydd i ymarfer sy’n ein galluogi i gymryd camau pan fo pryderon ynglŷn ag addasrwydd i ymarfer; ac ar gyfer rhoi arweiniad i feddygon, cymdeithion meddygol a chymdeithion anesthesia ar faterion yn ymwneud ag ymddygiad proffesiynol, perfformiad a moeseg.