Mynegi pryder am weithiwr gofal iechyd proffesiynol yng Nghymru
- Crynodeb
- Cael esboniad o’r hyn a ddigwyddodd gyda’ch gofal, neu ymddiheuriad gan y bobl dan sylw
- Rhoi adborth am eich gofal
- Mynegi pryder am weithiwr gofal iechyd proffesiynol
- Mynegi pryder am safon y gofal a gawsoch gan ysbyty, meddygfa neu glinig
Dim ond pryderon am feddygon, cymdeithion meddygol a chymdeithion anaesthesia sy'n gweithio yn y DU y gallwn ymchwilio iddynt. Yma, rydym wedi tynnu sylw at sefydliadau a allai fod mewn sefyllfa well i’ch helpu i fynegi pryder am weithiwr gofal iechyd proffesiynol arall.
Codi pryder am feddyg, cydymaith meddygol neu gydymaith anaesthesia
Byddem yn eich annog i siarad â’r meddyg, y cydymaith meddygol neu'r cydymaith anaesthesia yn gyntaf os oes gennych bryder a bod y canlyniad rydych yn awyddus i’w gael wedi’i restru isod.
- Hoffech chi gael esboniad o’r hyn a ddigwyddodd i chi?
- Hoffech chi gael ymddiheuriad?
- Hoffech chi drafod triniaeth briodol?
Mae’n bosibl na fyddwch yn teimlo’n gyfforddus i fynegi eich pryder yn uniongyrchol. Os felly, mae yna bobl eraill sy’n gallu cynnig cyngor a chymorth cyfrinachol i chi yn y man lle cawsoch eich gofal.
Os nad yw’r canlyniad rydych yn chwilio amdano wedi’i restru uchod a’i fod yn ymddangos yn y rhestr o bethau rydym yn ymchwilio iddynt, gallwch fynegi eich pryder drwy ddefnyddio ein ffurflen ar-lein ar waelod y dudalen. Neu gallwch chi: siarad ag un o gynghorwyr ein canolfan gyswllt.
Mynegi pryder am weithiwr gofal iechyd proffesiynol arall
Os yw eich pryder yn ymwneud â gweithiwr gofal iechyd proffesiynol arall, fel nyrs neu fferyllydd, bydd rheoleiddiwr arall mewn sefyllfa well i’ch helpu. Gallwch gael gwybod pwy y mae angen i chi siarad â nhw ar wefan yr Awdurdod Safonau Proffesiynol.
Os ydych yn teimlo y gallwn eich helpu, gallwch fynegi eich pryder drwy ddefnyddio ein ffurflen ar-lein isod, neu gallwch siarad â’n canolfan gyswllt.
Uwchgyfeirio pryder gan eich bod yn anhapus â’r ymateb rydych wedi’i gael yn barod
Os ydych yn anhapus â’r ymateb rydych wedi’i gael ar ôl mynegi pryder, mae yna sefydliadau y gallwch gysylltu â nhw i gael rhagor o gymorth.
Ombwdsmon Gwasanaethau Cyhoeddus Cymru
Gall Ombwdsmon Gwasanaethau Cyhoeddus Cymru ymchwilio i bryderon sy’n ymwneud â gwasanaethau cyhoeddus a darparwyr gofal annibynnol yng Nghymru a gallwch ofyn am adolygiad o unrhyw benderfyniadau a wnaed gan eich meddyg teulu.
Dal yn ansicr:
Gallwch ddefnyddio ein teclyn pryderon i weld ai ni yw’r bobl iawn i ddelio â’ch pryder.
