Map cynnwys yr MLA

Pwrpas yr Asesiad Trwyddedu Meddygol (MLA) yw sicrhau bod meddygon sy’n ceisio cael eu cofrestru â thrwydded i ymarfer meddygaeth yn y DU wedi cyrraedd trothwy ar gyfer ymarfer diogel sy’n briodol i’w pwynt mynediad ar y gofrestr feddygol.

Mae map cynnwys yr MLA yn nodi'r wybodaeth, yr ymddygiad a’r sgiliau craidd sydd eu hangen i ymarfer fel meddyg yn y DU.

Mae dwy gydran i’r MLA: prawf gwybodaeth gymhwysol (AKT) ac asesiad sgiliau clinigol a phroffesiynol (CPSA). Drwy'r rhain, gall ymgeiswyr ddangos eu bod yn barod i ymarfer yn ddiogel a'u bod yn gallu rheoli ansicrwydd a darparu gofal sy'n canolbwyntio ar y claf.

Mae'r map cynnwys yn darparu'r fframwaith ar gyfer cynnwys yr AKT a’r CPSA. Mae’n rhan o’r ddogfen ganlynol ac wedi'i hatodi iddi – Assuring readiness for practice: a framework for the MLA.

Ym mis Hydref 2025, fe wnaethom gyhoeddi map cynnwys wedi'i ddiweddaru yn Gymraeg ac yn Saesneg, ynghyd â chrynodeb ‘Fe ddwedoch chi, fe wnaethom ni’ yn amlinellu prif themâu’r adborth, a’r diweddariadau i fersiwn wreiddiol 2019 a ddeilliodd o hynny. Y map gwreiddiol ddylid cyfeirio ato o hyd ar gyfer asesiadau hyd at Awst 2026, a'r fersiwn wedi'i diweddaru a ddangosir yma sy’n berthnasol i holl arholiadau ac asesiadau MLA o fis Medi 2026 ymlaen.

Rydym bellach wedi cyhoeddi’r map wedi’i ddiweddaru er mwyn helpu i baratoi ar gyfer y newid hwn, a helpu ymgeiswyr i ddechrau ei ddefnyddio i adolygu cyn asesiadau yn y dyfodol.