Maes 6: Cyflyrau

Mae'r maes hwn yn amlinellu'r clefydau pathoffisiolegol a'r diagnosiau clinigol y disgwylir i ymgeiswyr eu deall. Rhaid cymhwyso’r wybodaeth hon ar y lefel a ddisgwylir gan feddyg dan hyfforddiant yn Rhaglen Sylfaen y DU.

Nid yw’r rhestr hon yn gyflawn, ond mae’n nodi cyflyrau craidd. Mae rhai yn gyffredin ac yn sail i ymarfer meddygol bob dydd, tra bo eraill yn brin ond yn ddifrifol ac angen eu hadnabod ac ymyrryd ar frys er mwyn atal niwed i gleifion.

Rhaid i ymgeiswyr gydnabod y gall cyflyrau esblygu dros amser, ac y gallai ymgyflwyniadau yn y camau cynnar fod yn wahanol iawn i ymgyflwyniadau mewn camau diweddarach neu gymhlethdodau. Dylent allu adnabod nodweddion clinigol allweddol, gan gynnwys arwyddion rhybudd,  er mwyn sicrhau bod salwch difrifol yn cael ei adnabod yn brydlon a bod gofal yn cael ei uwchgyfeirio’n briodol.

Mae deall cyd-destun y claf – gan gynnwys epidemioleg, ffactorau risg, a chydforbidrwydd – yn hanfodol er mwyn asesu risg glinigol ac arwain y broses o wneud penderfyniadau.