Pwyntiau allweddol

Os ydych yn cynnig ymyriadau cosmetig, rhaid i chi:

• geisio caniatâd y claf i’r weithdrefn eich hun, yn hytrach na dirprwyo’r dasg hon
• sicrhau bod cleifion yn cael digon o amser a gwybodaeth cyn iddynt benderfynu cael ymyriad neu beidio
• ystyried anghenion seicolegol eich cleifion ac a yw hi’n briodol eu cyfeirio at gydweithiwr proffesiynol profiadol arall
• cydnabod a gweithio o fewn terfynau eich cymhwystra, gan geisio cyngor yn ôl yr angen
• sicrhau bod gan gleifion y wybodaeth y maent yn ei dymuno neu y mae angen iddynt ei chael, gan gynnwys gwybodaeth ysgrifenedig sy’n cynorthwyo parhad gofal ac sy’n cynnwys gwybodaeth berthnasol am y meddyginiaethau neu’r dyfeisiau a ddefnyddir
• cymryd gofal arbennig wrth ystyried ceisiadau am ymyriadau ar blant a phobl ifanc
• marchnata eich gwasanaethau mewn ffordd gyfrifol, heb wneud honiadau nad oes modd eu cyfiawnhau ynghylch ymyriadau, bychanu’r risgiau dan sylw, neu ddefnyddio tactegau hyrwyddo y gallent annog pobl i wneud penderfyniadau byrbwyll.

Yn yr un modd â phob gweithwyr meddygol proffesiynol yn holl feysydd meddygaeth, rhaid i chi hefyd:

• weithio mewn partneriaeth gyda chleifion, a’u trin gydag urddas a pharch
• cadw cleifion yn ddiogel, gweithio i wella diogelwch ac adrodd am bryderon sy’n ymwneud â diogelwch
• gweithio mewn ffordd effeithiol gyda chydweithwyr
• bod yn ymwybodol o’r gyfraith a’r canllawiau perthnasol diweddaraf, a’u dilyn
• bod yn agored ac yn onest am eich sgiliau, eich profiad, eich ffioedd ac unrhyw wrthdaro rhwng buddiannau sydd gennych.