Ar ôl eich triniaeth
Gwnewch yn siŵr eich bod yn glir ynghylch beth i gadw golwg amdano a allai ddangos adwaith negyddol i’r driniaeth, a phryd y dylech gysylltu â’r clinig.
Rhaid i’ch meddyg, eich cydymaith meddygol neu’ch cydymaith anesthesia wneud y canlynol:
- gwneud yn siŵr bod gennych y meddyginiaethau cywir ac unrhyw gyfarpar y gallai fod ei angen arnoch i ofalu amdanoch eich hun
- dweud wrthych a oes angen unrhyw driniaethau dilynol neu apwyntiadau arnoch
- gwneud yn siŵr bod gennych chi fanylion rhywun y gallwch chi gysylltu â nhw yn y clinig sydd â’r cymwysterau priodol i roi cyngor i chi os ydych chi’n profi cymhlethdodau
- gofyn am eich adborth a gwneud yn siŵr eich bod yn fodlon ar y canlyniad
- rhoi gwybodaeth ysgrifenedig i chi am y driniaeth rydych chi wedi’i chael, gan gynnwys unrhyw feddyginiaethau neu ddyfeisiau a ddefnyddiwyd. Mae hyn yn bwysig a bydd yn eich helpu os cewch adwaith negyddol, os bydd angen rhagor o driniaethau arnoch, neu os bydd cynnyrch yn cael ei alw’n ôl.
