Pryd byddwch chi’n cael gwybod a ydych chi wedi llwyddo gyda’ch cais
Fel arfer, bydd llunio rhestr fer yn cymryd hyd at bythefnos ar ôl dyddiad cau’r swydd wag.
Os byddwch chi’n llwyddo i gyrraedd y rhestr fer ar gyfer rôl, byddwn yn gofyn i chi ddod i gyfweliad – naill ai’n rhithiol neu wyneb yn wyneb. Weithiau, mae’n bosibl y byddwn yn gofyn i chi ddod i ganolfan asesu. (gall hyn gynnwys trafodaeth grŵp neu asesiad sy’n benodol i swydd). Mae profion ein canolfan asesu fel arfer yn cynnwys cyfweliad, ond nid bob tro. Byddwn yn gofyn i chi ddod yn ôl ar ddyddiad arall ar gyfer cyfweliad (gallai hyn gynnwys cymysgedd o gwestiynau cymhwysedd, senarios a chwestiynau sy’n seiliedig ar werthoedd) os nad yw wedi ei gynnwys yn y ganolfan asesu.
Cynllun Cyfweliad Hyderus o ran Anabledd
Rydyn ni wedi ymrwymo i'r cynllun cyflogwr Hyderus o ran Anabledd, ac fel rhan o hynny rydyn ni’n cefnogi gofynion y cynllun cyfweld Hyderus o ran Anabledd. Os oes gennych chi anabledd a’ch bod chi’n bodloni’r meini prawf hanfodol ar gyfer rôl fel yr amlinellir yn y ddogfen manyleb y person, mae hyn yn golygu y byddwch chi’n cael cynnig cyfweliad.
Dewis unigol yw datgan anabledd. Os byddwch chi’n dewis datgelu anabledd, bydd yn cael ei ystyried i fodloni gofynion y cynllun cyfweld Hyderus o ran Anabledd yn unig ac ar gyfer gwneud addasiadau rhesymol y cytunwyd arnynt yn y broses recriwtio. Yr unig bobl fydd yn gallu cael mynediad at yr wybodaeth hon yw’r tîm adnoddau a’r rheolwr recriwtio wrth gyrraedd y cam cyfweld.
Os ydych chi’n llwyddiannus a bod angen addasiadau rhesymol arnoch i’ch cynorthwyo yn eich rôl, byddwn yn trafod hyn gyda chi a’ch rheolwr, gan geisio rhoi’r addasiadau ar waith cyn i chi ddechrau.
Rydyn ni wedi ymrwymo i wneud y broses recriwtio yn hygyrch i chi. Er enghraifft:
- gallwn ddarparu ffurflenni cais neu ohebiaeth mewn fformatau gwahanol yn dibynnu ar eich anghenion
- gallwn wneud addasiadau i’r broses recriwtio, fel newid trefniadau cyfweld.
Cymorth
Mae ein tîm arbenigol Adnoddau a Thalent ar gael i roi cymorth arbenigol wedi ei deilwra i chi drwy gydol y broses recriwtio.
Gallwch ein ffonio ar 0161 923 6626, o ddydd Llun i ddydd Gwener, 9 am i 5 pm.
Neu e-bostio recruitment@gmc-uk.org.
