Ein cynnig

30 diwrnod y flwyddyn o wyliau blynyddol yn ogystal â gwyliau banc a gwyliau cyhoeddus.

Cynllun pensiwn gyda chyfradd cyfraniadau cyflogwr o 15% o gyflog a chyfraniad ychwanegol gan y cyflogwr os ydych chi’n talu cyfraniad. Mae aelodau cynllun pensiwn yn cynilo ar gyfer eu hincwm ar ôl ymddeol sy’n cynnwys pensiwn ac opsiwn i gymryd swm o arian di-dreth. 

Mae buddiannau / aswiriant bywyd marw-wrth-wasanaethu hefyd yn cael eu darparu i aelodau cynlluniau pensiwn. Mae elfen wedi ei hyswirio o chwe gwaith eich cyflog ar ddyddiad y farwolaeth a dychwelyd eich cronfa bensiwn yn daladwy os byddwch yn marw tra’r ydych chi'n cael eich cyflogi gan y GMC.

Mae gweithio hybrid ar gael i’r mwyafrif helaeth o staff (er ein bod ni’n siŵr y byddwch chi’n hoffi gweithio yn un o’n swyddfeydd modern).

Yswiriant meddygol preifat (budd trethadwy) ar gael i bob aelod parhaol o staff. Rhoddir sylw i gyflyrau meddygol presennol, ac mae’r gwasanaethau’n cynnwys gwybodaeth am iechyd, cyngor ar ffisiotherapi, ac aelodaeth ratach mewn campfa.

Mae aelodaeth campfa a ffi ymuno yn arbed arian mewn amrywiaeth eang o gampfeydd, pyllau nofio, sba a stiwdios ledled y Deyrnas Unedig.

Cynllun beicio i’r gwaith, sy’n galluogi staff i fenthyca (ac yn y pen draw, prynu) beic a chyfarpar beicio drwy drefniant aberthu cyflog.

Caiff profion golwg eu had-dalu bob dwy flynedd a rhoddir cymorth tuag at gost eich lensys a’ch sbectol os mai dim ond ar gyfer unedau arddangos gweledol y bydd eu hangen arnoch.

Mae'r Ap llesiant Headspace ar gael i'r holl staff yn rhad ac am ddim.

Mae’r rhaglen cymorth i weithwyr yn wasanaeth cwnsela a gwybodaeth cyfrinachol, proffesiynol ac annibynnol sydd ar gael i bob gweithiwr. Mae’n ymdrin â materion sy’n ymwneud â gwaith, materion personol, gofal teulu, cymorth i reolwyr, a chymorth ymarferol.

Mae cynllun gostyngiadau’r GMC yn cynnig arbedion ar nwyddau a gwasanaethau gan gynnwys gostyngiadau ar deithio a gwyliau, bwyta allan, bwyd a nwyddau groser, nwyddau trydanol, moduro a chynhyrchion ariannol.

Mae benthyciadau teithio tocyn tymor ar gael ar gyfer trenau, trenau tanddaearol, tramiau neu fysiau i dalu am deithio i’r gwaith, neu ffioedd maes parcio ar gyfer costau sy’n gysylltiedig â’ch taith i’r gwaith.

Mae cymorth salwch hirdymor yn daladwy ar ôl 26 wythnos o absenoldeb, gan ddarparu cymorth ariannol pan nad ydych chi yn y gwaith a chymorth i’ch helpu i ddychwelyd i’r gwaith.

Prynu a gwerthu gwyliau blynyddol o hyd at 35 awr (neu 37.5 awr ar gyfer staff mewn rhai ardaloedd, a pro rata ar gyfer staff rhan-amser). 

Mae oriau hyblyg ar gael i staff Lefelau 2 i 6 yn amodol ar gytundeb, sy'n rhoi modd i chi gronni hyd at bum diwrnod (35 awr) o absenoldeb hyblyg y flwyddyn (pro rata ar gyfer staff rhan-amser).

Mae gweithio hyblyg yn eich helpu i gydbwyso gwaith a bywyd gartref - er enghraifft, newid yr oriau rydych chi’n eu gweithio bob wythnos neu eich amseroedd dechrau a gorffen, yn amodol ar gymeradwyaeth.

Cynllun datblygiad personol – byddwch yn gweithio gyda’ch rheolwr i feithrin y sgiliau sydd eu hangen arnoch yn awr ac yn y dyfodol i ddatblygu eich gyrfa a’ch rôl.

Adborth er mwyn Llwyddo – adnodd i chi gasglu adborth gan bobl rydych chi’n gweithio gyda nhw a myfyrio ar sut mae pobl eraill yn eich gweld chi a sut rydych chi’n gweld eich hun.

Cyfleoedd i gysgodi a mentora – ffordd wych o ddatblygu eich gwybodaeth a’ch perthynas ag eraill ar draws y sefydliad.

Secondiadau mewnol – eich helpu i ddysgu sgiliau newydd a datblygu eich gyrfa drwy weithio mewn tîm arall yn y GMC am gyfnod penodol. 

Benthyciadau datblygu gyrfa – er mwyn i chi allu datblygu eich sgiliau neu hyd yn oed newid cyfeiriad eich gyrfa yn ystod eich cyfnod gyda ni.

Hyfforddi – eich helpu i fanteisio i’r eithaf ar eich potensial, creu lle i ystyried eich dewisiadau a chanolbwyntio ar eich datblygiad personol.