Mae'r Rhwydwaith BME yn hyrwyddo buddiannau cydweithwyr o leiafrifoedd ethnig, gan helpu i greu diwylliant lle mae cydweithwyr o gefndiroedd du ac ethnig lleiafrifol yn cael eu clywed, ac yn cael cyfleoedd i gyflawni eu potensial.
Ein pobl
Ein pobl yw’r sbardun y tu ôl i bopeth a wnawn.
Mewn cyfnod o newid cyflym ym maes gofal iechyd, mae ein staff ymroddedig a thalentog yn gweithio gydag ymrwymiad a gofal i sicrhau mai ni yw’r rheoleiddiwr gorau y gallwn fod. Mae eu hangerdd a’u proffesiynoldeb yn gwneud gwahaniaeth go iawn bob dydd.
Gweld y swyddi diweddaraf
Ar yr adeg dyngedfennol hon i ofal iechyd, mae ein staff ymroddedig a thalentog yn bwrw ymlaen â’n hagenda i fod y rheoleiddiwr gorau y gallwn fod. Ein pobl yw ysgogwr ein llwyddiant.’ Charlie Massey, Prif Weithredwr
‘Mae ymrwymiad a natur gydwybodol ein staff a’u hawydd i wneud gwahaniaeth yn destun rhyfeddod i mi bob amser.’ Y Fonesig Carrie MacEwen, Cadeirydd y Cyngor
Rhwydweithiau staff
Bydd ein rhwydweithiau staff yn rhoi’r cyfle i chi gwrdd â phobl o’r un anian ar draws y sefydliad i rannu gwybodaeth, profiadau a syniadau. Mae aelodau’r rhwydwaith hefyd yn codi arian i elusen lle bo modd.
Mae’r Rhwydwaith Cymorth Busnes yn rhannu arferion gorau ac yn trefnu hyfforddiant i gydweithwyr sy’n gweithio mewn rolau gweinyddol neu gynorthwyol.
Mae’r Rhwydwaith Cristnogol yn cefnogi cydweithwyr Cristnogol a’r rhai sydd â diddordeb mewn Cristnogaeth, i rwydweithio a rhannu profiadau.
Mae’r Rhwydwaith Anabledd yn hyrwyddo buddiannau cydweithwyr anabl ac yn cyfrannu at ddiwylliant gweithredol o ddealltwriaeth ac ymwybyddiaeth o anabledd.
Mae’r Rhwydwaith Cymorth Cyntaf yn cynnwys gwirfoddolwyr cymorth cyntaf ar draws holl swyddfeydd y GMC, sy’n rhannu arbenigedd ar dechnegau, syniadau a phrofiadau cymorth cyntaf.
Mae’r Rhwydwaith Iddewig yn annog cydweithwyr i ddathlu eu treftadaeth a’u credoau Iddewig ac yn addysgu a chynghori cydweithwyr o wahanol gefndiroedd am Iddewiaeth.
Mae’r Rhwydwaith Pobl Lesbiaidd, Hoyw, Deurywiol a Thrawsrywiol yn rhoi’r cyfle i weithwyr LHDTC+ rannu eu profiadau a theimlo eu bod nhw’n cael eu cefnogi gan gymuned i fod yn nhw eu hunain go iawn. Mae’r rhwydwaith yn ein helpu i wneud yn siŵr ein bod ni’n gyflogwr cynhwysol a chefnogol i bawb.
Mae’r Rhwydwaith Iechyd Meddwl yn meithrin trafodaethau ac yn rhannu safbwyntiau a phrofiadau ar iechyd meddwl. Ei nod yw lleihau stigma salwch meddwl a chreu diwylliant o barch a dealltwriaeth i bawb.
Mae'r Rhwydwaith Moslemiaid yn cynnig llwyfan cadarnhaol a chefnogol i ddathlu gwerthoedd Mwslimaidd a chodi ymwybyddiaeth o Islam.
Mae'r Rhwydwaith Rhieni a Gofalwyr yn hyrwyddo ac yn codi ymwybyddiaeth o'r materion mae gofalwyr yn eu hwynebu, yn y gwaith a thu hwnt. Maent yn cysylltu ar sail heriau tebyg ac yn rhannu profiadau, cyngor a gwybodaeth.
Mae Rhwydwaith y Menywod yn lle cefnogol a bywiog i fenywod ddod at ei gilydd, rhannu eu gwybodaeth a’u profiadau a chymryd rhan mewn gweithgareddau cyffredin.
Grwpiau
Mae ein Grŵp Gwyrdd yn ein helpu i ganfod ffyrdd o leihau ein hôl troed carbon drwy edrych ar ddewisiadau cynaliadwy eraill - er enghraifft, drwy ddefnyddio llai o adnoddau a gwella cyfleusterau ailgylchu.
Mae ein Fforwm Pobl yn cynnwys cynrychiolwyr etholedig o wahanol rannau o’r sefydliad, sy’n dod ag eitemau gan eu cydweithwyr i’w trafod gydag uwch reolwyr, gyda’r nod o sicrhau newid cadarnhaol.
Mae’r Pwyllgor Cymdeithasol yn trefnu ac yn annog gweithgareddau hwyliog er mwyn i bawb deimlo’n fwy ymrwymedig ac wedi eu cysylltu’n gymdeithasol.
Mae ein Cyfeillion Menopos yn cefnogi cydweithwyr sy’n profi’r cyflwr naturiol hwn mewn bywyd, ac yn dylanwadu ar bolisïau mewnol ar y pwnc.
Mae ein Hyrwyddwyr Llesiant yn hyrwyddo gweithle cadarnhaol ac iach drwy gefnogi ein pum colofn iechyd a llesiant – corfforol, seicolegol, cymdeithasol, ariannol a gyrfa.
Dewch o hyd i ble rydych chi’n perthyn.
Byddwch yn rhan o rywle lle gallwch chi ysbrydoli eraill a chael eich ysbrydoli eich hunan. Lle gallwch gysylltu a bod yn rhan o rywbeth mwy.
Ein diwylliant Ein timau Ein pobl Ein cynnig Lleoliadau
