Lleoliadau

Mae gan ein holl swyddfeydd gysylltiadau trafnidiaeth rhagorol a naws fodern. Rydyn ni’n defnyddio gweithfannau parod, sy’n galluogi staff i weithio’n ddigidol ac mewn gwahanol rannau o’r adeilad yn ogystal ag o gartref. Dyma rai pethau eraill rydyn ni’n meddwl y byddwch chi’n eu mwynhau am y mannau:

• hygyrchedd – lloriau gwastad, goleuadau da, a thoiledau hygyrch 
• podiau cyfarfod cyfforddus gyda mynediad i sgrin ac ardaloedd ar wahân
• man storio beiciau gyda chawodydd a loceri 
• ceginau gyda the a choffi, oergelloedd a microdonnau.

Fe allai gweithwyr sydd â swyddfa ddynodedig weithio mewn ffordd hybrid o bosibl. Mae hyn yn golygu eu bod nhw’n treulio rhywfaint o’u hamser yn y swyddfa a rhywfaint o’u hamser gartref, gan daro cydbwysedd rhwng anghenion gweithredol y tîm a’r sefydliad, a’u hanghenion eu hunain. Bydd pob tîm yn nodi a oes modd iddynt ddarparu ar gyfer gweithio hybrid. Mae’n dibynnu ar y gwaith mae pob tîm yn ei wneud a bydd yn amrywio o dîm i dîm.

Mae gweithwyr sydd ar gontract o bell yn treulio llawer o amser yn ymweld â lleoliadau eraill, a dim ond am ychydig iawn o amser, os o gwbl, y mae gofyn iddynt fod yn y swyddfa. Nid oes yn rhaid i weithwyr sy’n gweithio gartref ddod i’r swyddfa ar wahân i’r hyn y gofynnir iddynt ei wneud o ran digwyddiadau hyfforddi, cyfarfodydd tîm neu ddigwyddiadau tebyg. Mae’r ddau yn gweithio gartref dan gontract.