Digwyddiadau’r GMC a chyfathrebu cyffredinol

Pam rydym yn dal yr wybodaeth

Rydym yn dal cofnodion cofrestru a phresenoldeb yn nigwyddiadau’r GMC. Mae gennym wybodaeth am gofrestru a phresenoldeb er mwyn i ni allu cysylltu â mynychwyr am eu digwyddiad. Rydym hefyd yn cadw gwybodaeth er mwyn i ni allu gwirio presenoldeb blaenorol a chynllunio ar gyfer digwyddiadau yn y dyfodol. Rydym hefyd yn gofyn am ofynion dietegol a mynediad lle bo angen er mwyn i ni allu cynllunio'r digwyddiad.

Pa wybodaeth rydym yn ei dal

Rydym yn dal gwybodaeth am y rhai sy’n bresennol yn nigwyddiadau’r GMC. Gall hyn gynnwys enw, manylion cyflogaeth, manylion cyswllt, ac unrhyw ofynion dietegol a hygyrchedd. Mae’n bosibl hefyd y byddwn ni’n recordio digwyddiadau at ddibenion ansawdd a hyfforddiant.

Pan fyddwch yn cysylltu â'n Desg Wasanaeth neu Ganolfan Gyswllt, rydym yn labelu'ch cyfathrebu yn awtomatig i nodi pam eich bod wedi estyn allan. Rydym yn defnyddio deallusrwydd artiffisial (AI) i'n helpu gyda hyn. Rydym yn defnyddio'r labeli hyn ynghyd â dadansoddiad o'ch neges i'n helpu i ddewis samplau i'w hadolygu. Yna caiff y rhain eu gwirio gan aelod o'n staff am ansawdd, hyfforddiant neu fonitro.

Sut rydym yn rhannu gwybodaeth

Mae ein system rheoli dirprwyon yn cael ei rhedeg gan drydydd parti sy’n gweithredu dan gontract i’r GMC, ac mae ganddynt fynediad at y data hwn pan fo angen iddynt wneud hynny.

Pam rydym yn dal yr wybodaeth

Rydym yn defnyddio ffurflenni gwe, e-bost, swyddogaeth sgwrsio a negeseuon ac yn recordio galwadau i gefnogi ein swyddogaethau rheoleiddio neu ein buddiannau cyfreithlon. Rydym yn cadw’r wybodaeth hon er mwyn ymateb i ymholiadau neu geisiadau am wybodaeth ac i wella profiad defnyddwyr. Os ydych chi wedi rhoi eich enw a’ch manylion cyswllt wrth ryngweithio â ni ar gyfer ymholiad cyffredinol neu ymholiad gwybodaeth, efallai y byddwn yn defnyddio’r wybodaeth a roddwch i ymateb i chi..

Pa wybodaeth rydym yn ei dal

Mae gennym wybodaeth y mae defnyddwyr wedi’i rhoi i ni wrth lenwi ffurflenni gwe neu wrth ryngweithio â ni gan ddefnyddio’r dulliau cysylltu sydd ar gael gan gynnwys sgwrsio, negeseuon, galwadau neu e-bost. Gall hyn gynnwys unrhyw beth a roddir i ni gan ddefnyddio’r dulliau hyn, ond fel arfer bydd yn cynnwys enw, manylion cyswllt, ceisiadau am wybodaeth neu adborth am ein gwefannau a’n dulliau rhyngweithio.

Sut rydym yn rhannu gwybodaeth

Nid ydym yn rhannu gohebiaeth gyffredinol a gawn fel mater o drefn ond gallwn wneud hynny os yw’r prosesu’n dod o dan un o’r adrannau eraill yn yr hysbysiad preifatrwydd hwn. Er enghraifft, os yw’r ohebiaeth gyffredinol yn codi pryder Diogelu neu bryderon ynghylch addasrwydd meddyg i ymarfer.