Strwythurau cymorth cyffredinol: Beth mae da yn ei olygu?

Rhaid i ysgolion meddygol gynorthwyo dysgwyr anabl i gymryd rhan mewn addysg a hyfforddiant. Mae hyn yn cynnwys gwneud addasiadau rhesymol.

Bydd gan bob ysgol feddygol strwythurau a systemau unigol ynghylch sut i wneud hyn.

Rydym wedi comisiynu gwaith ymchwil er mwyn deall yr hyn sy'n helpu i ddarparu cymorth llwyddiannus i fyfyrwyr ar draws ysgolion meddygol. Mae'r gwaith ymchwil yn amlygu egwyddorion arfer da y gall ysgolion meddygol eu haddasu i'w ffyrdd o weithio:

• Meithrin diwylliant cadarnhaol tuag at gyflyrau iechyd ac anabledd
• Cynorthwyo myfyrwyr i rannu gwybodaeth yn gynnar
• Meddu ar broses sefydledig a chlir er mwyn cynorthwyo dysgwyr anabl
• Cyfathrebu effeithiol
• Cymorth unigoledig wedi'i deilwra
• Amgylchedd dysgu cynhwysol
• Buddsoddi mewn hyfforddiant staff a gweithdai
• Monitro ac adolygu.