Beth fydd yn digwydd os byddwn yn ymchwilio i’ch pryder

Pryderon am feddygon

Ar ôl i’n hymchwiliad ddod i ben, byddwn yn gwneud un o’r canlynol: 

Penderfynu nad oes angen cymryd camau pellach

Mewn rhai achosion, byddwn yn penderfynu nad oes angen i ni gymryd unrhyw gamau pellach yn erbyn meddyg. Dim ond pan fyddwn yn teimlo bod y meddyg wedi gwneud ymdrech fawr i wneud yn siŵr na fydd yn gwneud y camgymeriad eto ac nad yw’n peri perygl i ddiogelwch cleifion y bydd hyn yn digwydd.

Rhoi rhybudd i’r meddyg

Dyma pryd rydym yn cytuno bod ymddygiad neu weithredoedd meddyg yn is na’r safon rydym ei ddisgwyl ganddo, ond does dim angen cyfyngu ar ei ymarfer.

Cytuno ar ymrwymiadau

Yn yr achos hwn, byddwn yn gofyn i’r meddyg lofnodi cytundeb i wella’r ffordd y mae’n gweithio. Gall hyn gynnwys ymgymryd â hyfforddiant penodol neu weithio dan oruchwyliaeth.

Atgyfeirio at dribiwnlys

Gallwn ofyn i’r MPTS gynnal gwrandawiad i benderfynu a ddylid cyfyngu neu gael gwared ar hawl meddyg i ymarfer yn y DU. 

Gofyn i ni adolygu penderfyniad am feddyg

Os ydych eisoes wedi mynegi pryder am addasrwydd meddyg i ymarfer ond nad ydych yn meddwl ein bod wedi dod i'r penderfyniad cywir, neu fod gennych wybodaeth newydd i'w darparu, gallwch ofyn i ni adolygu ein penderfyniad o dan ein proses adolygu fewnol ('Rheol 12'). 

Pryderon ynghylch cymdeithion meddygol neu cymdeithion anesthesia

Gallwch gael rhagor o wybodaeth am y broses rydym yn ei dilyn pan godir pryder am gydymaith meddygol neu gydymaith anesthesia.

Os byddwn yn canfod nad yw addasrwydd i ymarfer gydymaith meddygol neu gydymaith anesthesia wedi’i amharu, efallai y byddwn yn:

Penderfynu nad oes angen cymryd camau pellach

Mewn rhai achosion, byddwn yn penderfynu nad oes angen i ni gymryd unrhyw gamau yn erbyn gydymaith meddygol neu gydymaith anesthesia. 

Cyhoeddi rhybudd

Dyma pan fyddwn yn cytuno bod ymddygiad neu weithredoedd cydymaith meddygol neu cydymaith anesthesia yn disgyn islaw’r safon rydym yn ei disgwyl ganddynt, ond nad oes angen cyfyngu ar eu hymarfer.

Os byddwn yn canfod bod addasrwydd i ymarfer gydymaith meddygol neu gydymaith anesthesia wedi’i amharu, efallai y byddwn yn:

Cytuno i gyfyngu ar eu cofrestriad

Byddwn yn ystyried pa gamau cyfyngol sy’n angenrheidiol i ddiogelu’r cyhoedd, ac yn gofyn i’r gydymaith meddygol neu gydymaith anesthesia gytuno i’r mesurau hyn. Efallai y byddwn yn cynnig gosod amodau ar eu cofrestriad, sy’n cyfyngu ar yr hyn y caniateir iddynt ei wneud, eu hatal dros gyfnod penodol, neu eu dileu o’n cofrestr.

Cyfeirio at dribiwnlys

Os na allwn ddod i gytundeb gyda’r gydymaith meddygol neu’r gydymaith anesthesia, gallwn ofyn i’r MPTS gynnal gwrandawiad i benderfynu pa gamau y dylid eu cymryd.

Gofyn i ni ddiwygio penderfyniad am gydymaith meddygol neu gydymaith anesthesia

Os nad ydych chi'n meddwl ein bod wedi gwneud y penderfyniad cywir, gallwch ofyn i ni ddiwygio penderfyniad. Dim ond dan yr amgylchiadau canlynol y gallwn ddiwygio penderfyniad:

• pan fydd y seiliau perthnasol dros ddiwygio wedi'u bodloni
• pan fydd y cais yn dod i law o fewn cyfnod perthnasol. 

Dim ond os yw hynny er budd y cyhoedd y byddwn yn ystyried cais hwyr.

Llenwch y ffurflen gais am ddiwygiad

Cyfeiriwch at eich llythyr penderfyniad gan y GMC i wirio'r math o benderfyniad. Defnyddiwch y ffurflen berthnasol i anfon cais am ddiwygiad atom. Mae'r ffurflen yn cynnwys cyfarwyddiadau. 

• Ffurflen gais am ddiwygiad: penderfyniad i beidio â chyfeirio pryder at archwilwyr achos
• Ffurflen gais am ddiwygiad: penderfyniadau archwilwyr achos.

Efallai y bydd hefyd yn ddefnyddiol i chi ddarllen y canllawiau isod:

• Canllawiau i ADMs yn y Tîm Adolygu Corfforaethol ynghylch gwneud penderfyniadau ar ddefnyddio pwerau sydd wedi'u dirprwyo iddynt i ddiwygio penderfyniadau penodol sy'n ymwneud â chydymaith meddygol neu gydymaith anesthesia (Saesneg yn unig)
• Canllawiau i archwilwyr achos ynghylch gwneud penderfyniadau ar ddefnyddio pwerau sydd wedi'u dirprwyo iddynt i ddiwygio penderfyniadau penodol sy'n ymwneud â chydymaith meddygol neu gydymaith anesthesia (Saesneg yn unig).

Gwneud cais am apêl fewnol os ydych chi'n gydymaith meddygol neu'n gydymaith anesthesia

Os ydych chi'n gydymaith meddygol neu'n gydymaith anaesthesia a bod penderfyniad yn effeithio arnoch chi, ni allwch ofyn am ddiwygiad. Os nad ydych chi'n meddwl ein bod wedi gwneud y penderfyniad cywir, efallai y gallwch wneud cais am apêl fewnol.