Ystadegau a ffigurau

Mae proses adolygu fewnol Rheol 12 yn cael ei llywodraethu gan set gaeth o reolau gweithdrefnol Rheol 12 . Weithiau, byddwn yn cael cais am adolygiad ond ni allwn fynd ag ef ymhellach. Gall hyn fod am nifer o wahanol resymau, er enghraifft, os nad yw meddyg wedi cofrestru gyda ni mwyach, neu os nad yw'r pryderon wedi cael eu hystyried yn ffurfiol gan ein tîm addasrwydd i ymarfer eto. 

Mae gwybodaeth am y ceisiadau a gawsom rhwng 2022 a 2025 ar gael yn y tabl isod.

* Derbynnir rhai ceisiadau yn y flwyddyn flaenorol, felly gall nifer y penderfyniadau i ailagor fod yn uwch na nifer y penderfyniadau i'w hadolygu.
** Dyma’r amserlen ar gyfer ein pwynt penderfynu cyntaf (adolygu/peidio ag adolygu). Cymerwyd data o’n system rheoli achosion ar 17 Medi 2026. 

Os hoffech gael rhagor o wybodaeth am fanylion y ceisiadau hyn, cysylltwch â foi@gmc-uk.org.

Faint o amser y bydd cais yn ei gymryd?

Ni allwn roi cyngor ar amserlen benodol ar gyfer ystyried cais, ond mae ein hamserlenni cyfartalog i benderfynu a ddylem adolygu’r penderfyniad ai peidio wedi’u nodi yn y tabl uchod.

Byddwn yn cysylltu â chi cyn gynted â phosibl ar ôl derbyn eich cais. Gall hyn gymryd sawl mis, gan fod angen iddo fynd drwy ein proses asesu gychwynnol yn y lle cyntaf. 

Bydd eich cais yn cael ei ddyrannu i swyddog achos, a nhw fydd eich prif bwynt cyswllt. Byddant yn rhoi diweddariadau rheolaidd ar statws eich cais.

Pan fydd penderfyniad wedi'i wneud, byddwn yn ysgrifennu atoch gyda chopi ohono a byddwn naill ai'n cadarnhau bod eich cais wedi'i gau neu'n egluro'r camau nesaf.

Sylwch ein bod yn arbennig o brysur ar hyn o bryd ac efallai y bydd yn cymryd peth amser i’ch cais gael ei ddyrannu i rywun sy’n gwneud penderfyniadau. Gan fod ein rheolau’n nodi mai dim ond penderfyniad a wnaed yn ystod y ddwy flynedd ddiwethaf y gallwn ei adolygu, byddem yn annog ceisiadau i gael eu hanfon atom cyn gynted â phosibl, er mwyn rhoi digon o amser i ni asesu’r cais cyn cyrraedd y cyfnod o ddwy flynedd.