Pontio o ysgol feddygol i hyfforddiant Sylfaen

Prif negeseuon y bennod hon

• Dim ond myfyrwyr meddygol sy'n bodloni'r holl ganlyniadau ar gyfer graddedigion ac y bernir eu bod yn addas i wneud gwaith meddygol y dylai ysgolion meddygol eu graddio.
• Ceir dwy broses y gall dysgwyr anabl, ysgolion meddygol ac ysgolion sylfaen eu defnyddio er mwyn sicrhau bod meddygon sylfaen sy'n cyrraedd yn cael eu neilltuo i swydd briodol ar gyfer eu hyfforddiant. Y rhain yw'r broses Trosglwyddo Gwybodaeth (TOI) a'r broses neilltuo ymlaen llaw oherwydd Amgylchiadau Arbennig.
• Mae'r broses TOI yn cyfleu gwybodaeth i'r ysgol sefydledig (trwy ffurflen TOI) er mwyn gweithredu cymorth ac addasiadau rhesymol.
• Mae neilltuo ymlaen llaw oherwydd Amgylchiadau arbennig yn broses ar wahân er mwyn neilltuo graddedigion i leoliad penodol ar gyfer eu swydd sylfaen.
• Mae gan addysgwyr ôl-raddedig a meddygon dan hyfforddiant gyfrifoldeb ar y cyd dros sicrhau bod y wybodaeth gywir am iechyd meddyg yn hysbys.
• Gall hyfforddiant llai nag amser llawn helpu meddygon anabl. Gall addysgwyr ôl-raddedig hysbysu meddygon anabl o'r posibilrwydd o gael hyfforddiant llai nag amser llawn, a'u cyfeirio at wybodaeth ac arweiniad perthnasol.