Sut mae mynegi pryder i ni

Gallwn ystyried pryderon a godwyd am feddygon, cymdeithion meddygol a chymdeithion anaesthesia.

Os yw’r pryder rydych yn ei fynegi yn fater y gallwn ei ystyried, mae sawl ffordd y gallwch ei fynegi i ni. Dewiswch y ffordd sy’n gweddu orau i chi a’r ffordd sy’n gwneud i chi deimlo’n fwyaf cyfforddus.

Yr wybodaeth y bydd angen i ni ei chael gennych

Pan fyddwch chi’n mynegi pryder, mae’n bwysig eich bod yn anfon popeth o’r rhestr isod atom cyn gynted â phosibl. Bydd yr wybodaeth hon yn ein helpu i benderfynu a allwn ymchwilio ai peidio. Bydd angen y canlynol arnom:

• enw’r meddyg, y cydymaith meddygol neu'r cydymaith anaesthesia a’u cyfeiriad gwaith
• rhif cyfeirnod y meddyg gyda’r GMC – gallwch ddod o hyd i hwn ar ein cofrestr feddygol, neu gallwch ffonio ein canolfan gyswllt i gael cymorth
• esboniad o’ch pryder, gan gynnwys dyddiad(au) y digwyddiad(au) dan sylw
• copïau o unrhyw wybodaeth ategol, fel unrhyw lythyr neu negeseuon e-bost rydych wedi’u hanfon am eich pryder at y sefydliad perthnasol, ymddiriedolaethau’r GIG neu fyrddau iechyd
• enwau a chyfeiriadau unrhyw un arall a fu’n dyst i’r digwyddiad neu a fu’n gysylltiedig â’r digwyddiad hwnnw.

Os na allwn wneud penderfyniad gan ddefnyddio’r wybodaeth rydych wedi’i rhoi, byddwn yn rhoi gwybod i chi pam mai dyna’r sefyllfa. Efallai y byddwn yn gofyn i chi am wybodaeth ychwanegol a fyddai’n ein helpu i ystyried eich pryderon ymhellach.