Gofalu am eich llesiant eich hun

  1. Grynodeb
  2. Creu gweithleoedd sy’n parchu, sy’n deg, ac sy’n dosturiol
  3. Helpu i fynd i’r afael â gwahaniaethu
  4. Trin cleifion yn deg
  5. Hyrwyddo gofal sy’n canolbwyntio ar y claf
  1. Cynorthwyo parhad gofal a dirprwyo diogel
  2. Cydsyniad a chyfrinachedd
  3. Gofalu am eich llesiant eich hun
  4. Cyfathrebu fel myfyriwr sy'n astudio i fod yn gydymaith meddygol neu gydymaith anesthesia
  5. Cymryd rhan mewn asesiadau, polisïau, a gweithdrefnau

Gall astudio ar gyfer cymhwyster cydymaith meddygol neu gydymaith anesthesia fod yn heriol, ac mae'n bwysig eich bod yn gofalu amdanoch eich hun. Yn union fel rydym yn gofyn i gymdeithion meddygol a chymdeithion anesthesia ystyried eu llesiant wrth ofalu am gleifion, rydym hefyd yn gofyn i chi fyfyrio ar eich iechyd eich hun a sut y gallai effeithio ar eich astudiaethau.

  • Dylai cymdeithion meddygol a chymdeithion anesthesia cofrestredig geisio gofalu am eu hiechyd a’u llesiant eu hunain, gan gydnabod efallai nad ydyn nhw’n addas i weithio. Dylen nhw geisio cyngor proffesiynol annibynnol am eu haddasrwydd i weithio, yn hytrach na dibynnu ar eu hasesiad eu hunain. Rhaid iddyn nhw ofyn am gymorth gan gydweithiwr priodol a dilyn ei gyngor am unrhyw newidiadau i’w hymarfer y mae’r cydweithiwr yn eu hystyried yn angenrheidiol, a rhaid iddyn nhw beidio â dibynnu ar eu hasesiad eu hunain o’r risg i gleifion. (paragraff 81)
  • Dylech chi feddwl am yr effaith y gallai eich iechyd ei chael ar eich gallu i astudio neu gyflawni asesiad. Yn union fel mae angen i gymdeithion meddygol a chymdeithion anesthesia allu penderfynu a ydyn nhw’n ddigon iach i ofalu am eu cleifion, mae disgwyl i chi fel myfyriwr sy’n astudio i fod yn gydymaith meddygol neu gydymaith anesthesia benderfynu a ydych chi’n ddigon da i ymgysylltu'n llawn â'r cwrs gan gynnwys asesiadau, gan fynegi hyn i ddarparwr eich cwrs neu eich cyflogwr a cheisio cyngor meddygol annibynnol os yw hynny'n briodol. Bydd darparwr eich cwrs yn eich cefnogi i ddatblygu’r ymwybyddiaeth hon. (paragraff 83)

Rydym hefyd wedi ychwanegu egwyddorion newydd yn Cyflawni arfer meddygol da ar beth y dylech chi ei wneud mewn sefyllfa o argyfwng, neu os ydych chi’n teimlo bod claf yn peri risg i’ch diogelwch.

  • Fel myfyriwr sy'n astudio i fod yn gydymaith meddygol neu’n gydymaith anesthesia, cyn helpu mewn argyfwng dylech chi ystyried eich diogelwch eich hun. Dylech chi ystyried a ydych chi’n gymwys i weithredu ac yn teimlo eich bod chi’n gallu cynnig cymorth, neu benderfynu a yw’n well ceisio cael cymorth i rywun sydd mewn trallod. (paragraff 40)
  • Os ydych chi, fel myfyriwr sy'n astudio i fod yn gydymaith meddygol neu’n gydymaith anesthesia, yn teimlo bod claf yn peri risg i'ch iechyd a'ch diogelwch, dylech chi siarad â'ch goruchwyliwr cyn cymryd rhan yng ngofal y claf. (paragraff 42)
Previous Cydsyniad a chyfrinachedd Next Cyfathrebu fel myfyriwr sy'n astudio i fod yn gydymaith meddygol neu gydymaith anesthesia