Y deialog sy’n arwain at benderfyniad barhau

Rhaid i chi barchu hawl eich claf i benderfynu. Os bydd eu dewis (neu eu penderfyniad i beidio gwneud unrhyw beth) yn ymddangos allan o gymeriad neu’n anghyson gyda’u credoau a’u gwerthoedd, efallai y bydd hi’n rhesymol archwilio eu dealltwriaeth o’r wybodaeth berthnasol (gweler paragraff 10) a’u disgwyliadau ynghylch canlyniad tebygol y dewis hwn a dewisiadau amgen rhesymol. Os nad yw hi’n glir a yw claf yn deall canlyniadau eu penderfyniad neu beidio, dylech gynnig mwy o gymorth er mwyn eu helpu i ddeall y wybodaeth berthnasol. Ond ni ddylech gymryd bod claf heb alluedd oherwydd eu bod yn gwneud penderfyniad sy’n un annoeth yn eich barn chi.*

Os bydd claf yn gofyn am driniaeth neu ofal na fyddai er eu budd clinigol yn eich barn chi, dylech archwilio eu rhesymau dros ofyn amdani, eu dealltwriaeth o’r hyn y byddai yn ei olygu, a’u disgwyliadau am y canlyniad tebygol. Bydd y drafodaeth hon yn eich helpu i ystyried ffactorau sy’n arwyddocaol i’r claf, gan asesu a allai darparu’r driniaeth neu’r gofal fodloni anghenion y claf. Ar ôl cael trafodaeth, os byddwch o’r farn o hyd na fyddai’r driniaeth neu’r gofal yn bodloni anghenion y claf, ni ddylech ei darparu. Ond, dylech esbonio’ch rhesymau i’r claf, gan archwilio dewisiadau eraill y gallent fod ar gael, gan gynnwys eu hawl i geisio ail farn. *